Jón Emil

Lághitafræði

2010-05-10T02:20:00.004Z

Kuldahaldið mitt

Úrslitaleikurinn

2010-05-05T12:17:00.001Z

í intramural soccer er í dag. Þar takast á Popayan og GC Opal.

Small Nation Syndrome

2010-05-02T15:13:00.002Z

Dæmi númer eitt af skrilljón

Balloon borne experiment

2010-04-29T12:24:00.003Z

Vinn sem sagt að tilraun sem verður framkvæmd uppi í loftbelg í ca. 30 km hæð yfir sjávarmáli. Fjöldi doktorsnema vinna mörg þúsund vinnustundir til þess að hanna, smíða, og kvarða hvert einasta tæki sem endar síðan hangandi neðan úr loftbelg. Síðan kemur að deginum þar sem að skjóta á loftbelgnum upp og þá getur allt gerst. Til dæmis þetta

Plís, ekki láta þetta koma fyrir okkar tilraun...

Blái

2010-03-21T20:42:00.001Z

Sá Bláa um daginn. Hann bað að heilsa Gula.

Heimurinn er fallegur

2010-03-20T21:00:00.002Z

Hluti af þeirri vinnu sem er unnin í hópnum okkar snýr að Planck tilrauninni. Planck er gervitungl sem var skotið upp vorið 2009 og sveimar nú í ákveðnum þyngdarbrunni 1.5 milljón km frá jörðu. Planck skoðar ljós sem er meira en þúsund sinnum orkuminna en ljósið sem við sjáum með eigin augum. Hluti af þessari vinnu snýr að þróun „myndavéla“ sem nema þessa láorkuljósgeisla.

Planck gervitunglið er að ljúka við myndun allrar himinhvelfingarinnar en umfjöllun um afraksturinn má meðal annars finna hér.

(langaði eiginlega bara til að sýna þessa frábæru mynd)

Reunions

2010-03-19T20:26:00.002Z

Okkur Dóru langar til að bjóða fólki í heimsókn helgina 27. - 30. maí. Þá helgi verða reunions hérna í Princeton en þau eru svolítið skemmtilegt fyrirbæri. Allir sem vilja koma og fara á smá skrall eru velkomnir.

Afrakstur dagsins

2010-03-10T02:36:00.000Z

Nýja íbúðin

2010-03-08T02:36:00.003Z

Okkur bauðst að flytja í nýja og stærri íbúð með því skilyrði að við flyttum inn NÚNA! Við stukkum á það og erum því komin út úr skókassanum. Hér eru nokkar myndir úr „innflutningspartýinu.“

Hvað er í fréttum?

2010-02-28T16:41:00.003Z

Dóra er komin inn í Princeton! Ætlum að bíða og sjá hvað hinir skólarnir segja áður en að einhverjar ákvarðanir eru teknar. Það verður að segjast að Princeton hefur alla vega einn hlut fram yfir aðra skóla :)

Ég er að stúdera heimsfræði (e. cosmology), svona eins og Stephen Hawking, og hef verið að vinna við þetta í rúmlega ár núna. Vinn að tilraun sem heitir Spider (Suborbital Polarimeter for Inflation, Dust, and Epoch of Reionization). Þetta er meðalstór tilraun, ca. tíu háskólar sem koma að þessu og jafnmargar milljónir dollara. Tilraunin verður framkvæmd í 30 km hæð yfir sjávarmáli, hangandi neðan úr loftbelg! Við stefnum að því að fara með afar sérstakan sjónauka til Ástralíu og því næst til Suðurskautslandsins.

Við erum fjögur sem vinnum að þessu hérna í Princeton, leiðbeinandinn minn William C. Jones (sem er yfir þessari rannsókn) postdocinn Cynthia H. Chiang (þ.e.a.s. manneskja sem er búin með doktorspróf en vill öðlast meiri reynslu af vísindastörfum áður en að hún sækir um prófessorstöður) og samnemandinn Sasha Rahlin. Allt frábærar manneskjur og því virkilega góður starfsandi.

Markmiðið með tilrauninni er að gægjast eins langt aftur í tímann og hægt er og mæla skautun örbylgjukliðarins (ljós sem hóf ferð sína ca. 380.000 árum eftir miklahvell, fyrir rúmlega 13 milljörðum árum síðan). Með því að skoða þennan eiginleika ljóssins getum við komist að ýmsu varðandi upphaf Miklahvells. Þetta ljós hjúpar upptökin ákveðinni dulu sem að okkur reynist erfitt að skyggnast í gegnum. Í staðinn skoðum við fellingarnar í dulunni til þess að fræðast um það sem er handan hennar.

Bless í bili,
Jón Emil

Prufa

2010-02-23T01:17:00.001Z

Virkar kommentakerfið?

13 Himbrimar

2009-08-23T04:40:00.001Z

JEG og ÁEG

2009-08-20T03:15:00.001Z

Afi og ÁEG

2009-08-19T20:27:00.000Z

Tekið

2009-08-19T01:53:00.002Z

út um svefnherbergis-/eldhús-/stofugluggann

Amma og afi

2009-08-18T20:23:00.000Z

ÁEG

2009-08-17T20:21:00.001Z

Kirkjufellsfoss

2009-08-16T18:00:00.002Z

Fljótandi köfnunarefni

2009-06-17T17:20:00.003Z

Gerði mér vonir um passlega rólegt sumar, nú þegar kúrsarnir væru búnir. Hugsanlega svona ca. 10 tíma vinnudag og síðan bara rólegheit að honum loknum. Ónei ónei, það held ég nú ekki. Kemur í ljós að á sumrin er talsvert meira að gera hérna í Princeton en á veturna. Hvenær endar þetta?

Er eins og er í Colorado til að fylgjast með kælingu kuldageymisins okkar (það vantar gott íslenskt orð fyrir cryostat, tillögur vel þegnar). Í gær varð smá slys hjá köllunum í Redstone aerospace þar sem nokkrir tugir lítra af fljótandi köfnunarefni féllu á gólf rannsóknarstofunnar. Lítil hætta á ferð, en aumingjans málningin á gólfinu splundraðist og skildi eftir hreint steingólfið. Tvær lexíur, hugsa áður en þú framkvæmir, og málningu má einfaldlega fjarlægja af steini með fljótandi köfnunarefni (ca. 100 kr per líter).

Bústaðferðin hefur verið staðfest, hún verður síðustu helgina í júlí. Allir sem lesa þetta eru velkomnir (þeir eru nógu fáir). Kem heim 17. júlí. Get varla beðið!

Gleðilegan þjóðhátíðardag!

Eldingar

2009-06-10T01:13:00.002Z

Var úti að hjóla í morgun í algjöru úrhelli. Sá eldingu slá niður í innan við 300 metra fjarlægð. Hjólaði ansi hratt eftir það...

EMERGENCY NOTIFICATION -- ALL CLEAR

2009-06-03T17:03:00.001Z

At 11:25 a.m. Wednesday, June 3, Princeton University's Department of Public Safety issued an all clear, and has reported there was no gunman on campus.

Campus community members should resume normal activities. The investigation was conducted with Princeton Borough police assisted by Township police, and the Department of Public Safety has re-opened the campus.

At 10:36 a.m., a male with what appeared to be a handgun was reported near the vicinity of Dod Hall dormitory. There was no report of any threatening behavior or injuries. Public Safety responded immediately by issuing a campus alert instructing people to stay indoors, by patrolling and by limiting access to campus.

The first report and a second tip led Borough police to four juveniles who were taken into custody near campus. The questioning revealed that the suspected handgun was a dark green plastic toy that could be confused with an actual weapon. The toy was retrieved near the Wawa on University Place.

The juveniles are not Princeton University students.

Afturendinn

2009-06-02T01:37:00.003Z

á the Graduate College. Salurinn heitir Procter Hall. Í fjarska má sjá Cleveland Tower.

Það...

2009-05-29T19:41:00.002Z

...er eitthvað virkilega rangt við það að bíða í biðröð eftir BudLight.

Þessa helgina verða endurmót í Princeton. Sagan segir að pöntunin sem er lögð fram hjá Anheuscer-Busch sé næst stærsta pöntun sem bjórframleiðandinn fær árlega. Næst á eftir Indy 500 kappakstrinum.

Fékk mér

2009-05-26T00:43:00.004Z

Eurotart ís með jarðarberjum, kíví og karamellu. Nokkuð sáttur!

Félagar

2009-05-24T19:50:00.005Z

Þegar ég hugsa til baka þá held ég að allt það mikilvægasta sem ég lærði á þessu ári hafi ég lært af félögum mínum. Ekki af bókum, eða með því að fara í tíma. Það eru mikill forréttindi að fá að umgangast þetta fólk og læra af því. Það er líka afar hressandi þegar maður gerir sér grein fyrir því hvað það er margt sem maður á eftir ólært og jafnframt tilhlökkunarefni að fá tækifæri til þess.

Satt að segja voru tímarnir sem ég þurfti að sækja ekkert sérstaklega góðir. Heimadæmin í stærðfræðilegri eðlisfræði voru samt frekar skondin. Kom nefnilega á daginn að í sérhverjum heimadæmaskammti þurftum við að gera eitthvað sem að kennarinn okkar hafði gert fyrstur manna.

Hössi kom í heimsókn í vor

Ég var virkilega heppinn að hitta Geir og Völlu hérna í Princeton. Þau hafa aðstoðað mig svo mikið og verið góðir félagar.

Jæja

2009-05-22T01:10:00.004Z

Ég held að ég sé búinn með fyrsta árið í Princeton. Veit samt ekki alveg. Þetta gerðist einum of hratt. Kem með sögur af árinu von bráðar.

Já nú er það bleikt...

2009-04-17T23:42:00.000Z

Ferðin til Colorado

2009-04-05T15:55:00.002Z

var á marga vegu virkilega lærdómsrík. Lærði meðal annars margt um stálsmíði. Mikið af fallegum fjöllum og trjám. Er ég nálgaðist Utah fóru klettarnir að roðna. Mér var skapi næst að halda áfram inn í Utah fylki og skoða bogamyndanirnar frægu. Helvítis skynsemin alltaf að skemma fyrir manni...

Þessi mynd er af "the Flatirons," klettum sem gnæfa yfir bænum Boulder í Colorado.

Longmont, Colorado

2009-03-26T03:44:00.004Z

er í 1600 m hæð yfir sjávarmáli. Það gerir það að verkum að andrúmsloftið er þynnra hér heldur en maður á að venjast. Ansi skemmtilegt að uppgötva það eftir að hafa verið að velta fyrir sér hvort að maður væri endanlega að detta úr formi.

Denver International airport er ansi flottur. Myndir á veggjum sýndu Sólheimajökul í rénun, blóðugan steypireyð og geirfugl. Því miður sá ég enga pappírspésa. Á leiðinni frá flugvellinum sá ég hins vegar prairie dogs (ísl. sléttuhunda?).

Búið að vera nóg að gera en vonandi kemst ég upp í fjöllin, sem eru fjarska falleg, um helgina. Þetta fjall sést meðal annars héðan.

Algengur misskilningur

2009-03-18T02:13:00.004Z

Sá nemandi sem ég lít hvað mest upp til og tel vera gífurlega snjallan einstakling spurði mig í kvöld hvort að nafnið Ísland væri ekki vísun í það að landið væri eyja. Þ.e.a.s. að landið héti Ísland vegna þess að það væri "island". Að sjálfsögðu sagði ég nei en við það vaknaði jafnframt spurning. Er þetta algengur misskilningur?

Annars er það í fréttum að ég fer til Colorado eftir viku. Mun vinna í smábæ sem heitir Longmont, rétt hjá Boulder, rétt hjá Denver. Fyrirtækið heitir Redstone aerospace og ég vona svo sannarlega að það tengist Wernher von Braun á engan hátt.

Sá sex dádýr fyrir utan GC í gærkvöldi...

Bless bili

Heimsókn frá Hössa

2009-03-08T23:00:00.003Z

Höskuldur kom í heimsókn á föstudeginum. Við kíktum á eðlisfræðideildina, á Friday beer, í bolta á leikvanginum og síðan á Dússabar.

Daginn eftir fórum við til NYC þar sem við kíktum á Natural History Museum og sáum risaeðlur og loðfíla og síðan á uppistandsklúbb. Var okkur vísað til sæta í fremstu röð, þ.e.a.s. innan skotfæris, og að sjálfsögðu vorum við teknir fyrir. Ekkert fyrir neðan beltisstað þó, bara gaman. Hins vegar voru aðrir í salnum teknir fyrir á margfalt verri hátt. Aumingja hobbitinn...

Við tókum lestina heim klukkan 5:17 og vorum komnir til Princeton um hálf sjö. Í dag fórum við í heimsókn til Institute for Advanced Study (IAS) þar sem að við sáum skrifstofuna hans Einsteins. Á bakaleiðinni sáum við rauðan fugl og húsið hans Einsteins.

Northern Cardinal

Ekki bjóst ég við eftirfarandi:

2009-03-07T02:00:00.002Z

Mig langar í ryksugu...

Brynjuís

2009-03-06T01:31:00.001Z

og ég sem hélt að Brynjuísinn væri alíslenskt fyrirbæri. Ónei, hér fæst hann í „the Jewish Center.“

Slúður

2009-03-02T05:56:00.002Z

Ca. 50 nemendum var boðið að hefja doktorsnám við Princeton á síðasta ári. Af þeim þáðu tæplega 30. Þetta ár var ca. 30 nemendum boðið að hefja nám...

Farinn í bolta

2009-02-28T01:37:00.002Z

hérna

Hafið þið

2009-02-27T03:18:00.002Z

séð myndirnar sem systir mín er að taka? Hún er hæfileikaríkur ljósmyndari og ég er virkilega stoltur af henni.

Hugsanlegt comeback

2009-02-26T03:53:00.005Z

Ég hef ekki skrifað mikið á þessa síðu undanfarið, hugsanlega vegna anna, tjahh, eða bara leti.

Á síðustu vikum þurfti ég að gera upp við mig með hvaða tilraunahóp ég hæfi störf. Var ég þar að velja á milli rannsókna á hulduefni eða tilraunar í heimsfræði sem ber heitir Spider. Ég ákvað seinni valkostinn þó að ég hafi verið ansi efins um tíma. Á endanum fékk það sem menn kalla „the gut feeling“ að ráða. (Úff, ég vona að ég sé ekki að glopra niður íslenskunni).

En alla vega, Spider verkefnið er tilraun sem unnin er í samstarfi með Caltech, Jet Propulsion Laboratories, NASA, Imperial College, University of Toronto og nokkrum öðrum stofnunum. Fyrsti áfanginn felur í sér að láta sjónauka svífa í 30 km hæð yfir Ástralíu. Þar mun hann gera mælingar á skautun örbylgjukliðarins ásamt nokkrum eiginleikum himingeimsins. Ef að þessi ferð heppnast vel munu fleiri leiðangrar verða gerðir út. Líklega frá Suðurheimskautinu.

Leiðbeinandi minn heitir Bill Jones, glænýr prófessor hérna í Princeton. Hann er með einn postdoc, hana Cynthiu, en auk mín er annar graduate nemi, Sasha, að hefja störf með honum.

Ég ætla mér að vera miklu duglegri að færa hluti inn á þessa síðu í framtínni.

Sjaldan

2009-02-10T04:45:00.004Z

hef ég átt erfiðara með að gera upp hug minn...

Reynisdrangar

2009-01-28T10:40:00.002Z

Keyrðum til Jökulsárlóns og til baka á einum degi.

Kominn heim

2009-01-18T17:57:00.002Z

Fleiri á leiðinni.

Í nótt

2009-01-02T23:19:00.001Z

dreymdi mig um eitthvað annað en eðlisfræði. Ég vaknaði með samviskubit.

Kem heim á morgun

2008-12-18T19:11:00.000Z

Ljósmyndir

Ramen Nemar

2008-12-13T21:46:00.003Z

Geri ráð fyrir að flestir nemar séu duglegir að borða Ramen núðlur þessa dagana.

Má með sanni segja

2008-12-04T21:34:00.002Z

að það sé ekki þverfótandi fyrir íkornum hérna ef maður hefur nú þegar hlaupið ofan á einn?

10 hlutir

2008-12-03T03:26:00.003Z

sem benda til að þú sért staddur í Ameríku:

10. Það vill enginn spila við þig fótbolta ef það er rigning.

9. Sérhver sjoppa selur cheetos og beef jerky.

8. Þú sérð auglýsingar fyrir bjór þar sem slagorðið er: „Bud Light, the difference is drinkability.“

7. Þetta gerist.

6. Þú heyrir orðið „like“ hvar sem þú ferð, dæmi: „Like, she was like, sooo drunk.“

5. Vinir þínir hafa borðað þetta, tjahh eða jafnvel þetta.

4. Önnur hver stelpa gengur um í þessu tískuslysi.

3. Hjólið þitt er Hybrid.

2. Ef að fjölbragðaglíma er talin íþrótt.

1. Ef að sérhver tónlistarmaður hefur sína útgáfu af þjóðsöngnum, dæmi:

Marvin Gaye

Mariah Carey

Jimmy Hendrix
og þessi aumingjans stelpa

Á morgun

2008-11-25T15:00:00.001Z

er ferðinni heitið til Cape Cod í Massachusetts fylki. Þar er lítill bær sem heitir eftir Lord Sandwich, já einmitt, manninum sem fann upp samlokuna. Andrew bauð þeim hluta fótboltaliðsins sem átti í engin hús að vernda heim til sín í alvöru amerískt „thanksgiving“ borðhald. Hlakka mikið til :)

Já sæll...

2008-11-24T22:31:00.003Z

Ætli það megi ekki með sanni segja að það sé lægð yfir landinu?

Til marks um það

2008-11-23T23:51:00.003Z

hvað krakkarnir hér halda að Ópal sé mikilvægt í íslensku samfélagi:

...Yes, I couldn't bear being away from home during Christmas.
Is it the lack of Ópal or is it because of family? - (spurt af fullri alvöru)
Family.

Þá er það staðfest

2008-11-20T01:06:00.002Z

Í það minnst tveir "bekkjarfélagar" koma í heimsókn til Íslands dagana 25. janúar til 1. febrúar. Þeir heita Doug og David. Hann Mooney gæti líka dottið inn. Spurningin er því ekki hvort að við munum halda partý þessa dagana heldur frekar hvar og hvenær það verður?

Eðlisfræði

2008-11-19T02:30:00.002Z

verður skemmtilegri með hverjum degi sem líður.

IM Champions

2008-11-08T15:42:00.000Z

The Shmoffice

2008-11-05T22:00:00.002Z

Það eru þrjú skrifborð inni í the Shmoffice. Spurning hvort að þið fattið hver á hvaða skrifborð...

Yes!!!!!!!!!!!!!!!

2008-11-05T05:20:00.001Z

dú Dú DÚ

2008-10-29T12:55:00.002Z

We're sorry, all circuits are busy now. Will you please try again later.

Já þeir eru soldið aftarlega á merinni þessir kanar þegar kemur að símnotkun. Talandi um síma, ég er búinn að skipta um gsm síma. Guilherme og ég fórum saman í family plan undir Andrew en það á eflaust eftir að spara okkur einhverja dollara. Nýja númerið er:

609-216-4484

ETS

2008-10-27T14:29:00.001Z

is the devil.

Anushya og Blake

2008-10-25T17:26:00.002Z

Anushya kemur frá IIT (Indian Institute of Technology) sem minnir mig á þennan brandara.

Blake er amerískur en hann ólst upp í Þýskalandi og tók undergradinn í Cambridge. Ameríkönunum þykir hann tala með enskum hreim, Englendingunum finnst að hann tali með amerískum hreim. Af þessari ástæðu, og mörgum öðrum, er mjög skemmtilegt að hlusta á hann tala.

Heimsókn frá strákunum

2008-10-19T16:12:00.006Z

Góðan og blessaðan haustmorgun,

Svenni og Villi komu í heimsókn á föstudaginn. Ég sýndi þeim skólalóðina, skrifstofuna mína og heimilið. Síðan fórum við út að borða og enduðum á D-bar þar sem okkur tókst meðal annars að klára eina Opal flösku. Geiri og Valla komu líka á D-bar sem þýðir að þarna voru ca. 0.02% af íslensku þjóðinni. Hann Blake er eins og áður hefur komið fram búinn að vera duglegur að jappla á Opali enda kann hann nú að meta efnið á vökvaformi. Ég held að strákunum hafi þótt gaman, mér þótti alla vega frábært að fá svona heimsókn, og þeir voru líka imponeraðir yfir aðstöðunni hérna. Held að þeir ætli meira að segja að sækja um hérna fyrir næsta haust. Væri frábært að fá fleiri Íslendinga hingað :)

Maður veit að kennarinn manns er reynslumikill tilraunaeðlisfræðingur þegar hann segir með bros á vör:

"I've had many of my friends electricuted to death. Now if you have a voltage of around 1000 volts you'll notice it because ozone is being produced, which you'll be able to smell, and you'll even see sparks between the electrodes. 120 volts, the voltage in our houses, thats not enough to kill you unless youre really unlucky, e.g. standing in a poddle or something. Now, 500 volts, that will get you everytime."

Spurning hvort að maður fari ekki bara í fræðilegu eðlisfræðina...

Góð blanda

2008-10-14T03:03:00.002Z

Harðfiskur og Dr. Pepper

Haustið er komið

2008-10-13T02:03:00.001Z

Vídeó

2008-10-11T00:56:00.003Z

Langaði til að prófa að búa til video úr myndum sem ég tók í kveðjupartýinu. Tók 5 mínútur með Windows Movie Maker. Rauði liturinn í myndbandinu er youtube að kenna...

Áhugavert fyrir suma

2008-10-09T02:02:00.003Z

Jón nokkur Nash með skrifstofu hinum megin við stíginn...

Athyglisvert að lesa um manninn, sagan er allt öðruvísi heldur en myndin gefur til kynna.

Opal

2008-10-06T03:26:00.005Z

Ég minntist á það hérna um daginn að ég ætlaði að kenna krökkunum að drekka opal og brennivín. Drykkirnir vöktu mikla lukku þó að framsetningin hafi hugsanlega þótt meira spennandi heldur en bragðið. Það var mikið um stunur og grettur þegar flöskurnar gengu á milli manna. Margir sögðu að opal bragðaðist eins og hóstasaft, og væri þ.a.l. ógeðslegt, einhver sagði að það minnti á munnskol. Almennt áttu menn einfaldara með að drekka brennivínið heldur en opalið. Það þykir Íslendingum að sjálfsögðu mjög skrýtið. Sjálfur reyndi ég að þykjast hörkutól þegar ég skelli báðum drykkjunum í mig eins og ekkert væri.

Stuttu eftir þessa umræddu vínsmökkun barst mér sending frá elsku mömmu. Var þar að finna sængurver ásamt íslensku nammi. Og viti menn, þar voru m.a. tveir pakkar af rauðum opal. Nammið féll strax í góðan jarðveg. Sérstaklega hjá skrifstofufélaga mínum honum Blake. Hann er gífurlega snjall og hraðleysinn, þ.e.a.s. hann leysir dæmi hratt og örugglega. Honum finnst rauði opalinn ótrúlega góður en er ekki beinlínis sama sinnis um drykkinn.

Nú er ég búinn að biðja mömmu um meira opal. Helst í öllum regnbogans litum. Síðan er planið að dreifa þessu gotterí meðal nemandanna og láta þá gæða sér á þessu í nokkrar vikur. Loks, þegar Dórótea kemur í heimsókn, tjahh eða Svenni og Villi, Þá væri óskandi að maður gæti boðið krökkunum upp á meira opal og athugað hvort að nammiátið geri það að verkum að krakkarnir kunni að meta drykkinn.

Í dag spiluðum við fyrsta leikinn í intramural deildinni. Við unnum 5-3 í leik þar sem markverðirnir áttu smáleik. Tókst báðum að misreikna skopp vegna skots af löngu færi sem skoppaði í jörðina og yfir hausinn á þeim. Seinna markið kom eftir misheppnaða sendingu frá hinum enda vallarins (sendingin var mín). Það var vægast sagt hlægilegt. Það var margt annað hlægilegt í þessum leik. T.d. fannst mér fyndið að hlusta á ameríkanana heimta að rangstöðureglan yrði notuð í leik þar sem 6 spiluðu á móti 6. Enn þá skemmtilegra fannst mér þegar þeir heimtuðu rangstöðu úr innkasti. Annars var gaman að spila fótbolta í góða veðrinu.

Síðan er ég búinn að kaupa mér squash spaða og hokkískauta. Margir af eðlisfræðingunum spila squash enda er sú íþrótt vinsæl meðal nörda, fyrir utan það að hún er virkilega skemmtileg. Það er skautasvell hérna á svæðinu og David og ég reynum að byrja suma daga snemma með því að renna okkur á svellinu.

Skrifstofan okkar heitir the Schmoffice í höfuðið á Michale Mooney, hinum skrifstofufélaganum mínum, sem er gjarnan kallaður Schmooney. Það er mikill gestgangur á skrifstofunni og þykir okkur fátt skemmtilegri en að brjóta heilann yfir erfiðum dæmum. Reyndar sé ég oftast um að brjóta heilann meðan Blake leysir dæmið.

Vona að hlutirnir heima fara á besta veg...

Nassau Hall

2008-09-30T21:00:00.003Z

Athyglisverð umfjöllun um þessa byggingu á Wikipedia. Brot úr henni hér fyrir neðan:

The British Redcoats seized control of Nassau Hall in 1776, and American soldiers were forced to fire upon their own building in the Battle of Princeton on January 3, 1777. Three cannonballs were fired, but only two made contact. One glanced off the south side of the building. The damage can still be seen today. Another cannonball flew through a window in the Faculty Room and "decapitated" King George's portrait. The result of the battle was a decisive Patriot victory, and Nassau Hall was retaken by the Americans.

Stjarni við Gljúfrastein

2008-09-30T03:47:00.001Z

Skokkhringurinn og eðlisfræðitöffarar

2008-09-25T03:21:00.003Z

Í kvöld tók ég mér frí frá bókunum og skokkaði fram hjá húsinu hans Einstein's.

Það er strákur hérna á fyrsta árinu í eðlisfræði sem á pabba sem er eðlisfræðingur og jafnframt sonur eðlisfræðings sem lærði undir Heisenberg. Nokkuð töff!

Kapellan

2008-09-21T23:51:00.001Z

Önnur stærsta háskólakapella í USA skv. Wikipedia. Virkilega falleg!

Góð athugasemd

2008-09-19T12:43:00.010Z

Ég er ánægður með athugasemd frá Dyggum lesanda. Nánar til tekið að það sé ekki skylda að photoshoppa hverja einustu mynd. Hún gefur mér tilefni til þess að fjalla um myndvinnslu stafrænna ljósmynda og bera hana saman við vinnslu mynda í myrkraherbergjum.

Án þess þó að vita það þá tel að fréttaljósmyndarar sverji einhvers konar eið þar sem þeir heita því að þeir muni ekki eiga við myndirnar sýnar eftir að þær eru teknar. Þess vegna getum við verið nokkuð viss um að ekki hefur verið átt við myndirnar sem við sjáum í Kringlunni á ári hverju, þ.e. sigurvegara World Press Photo keppninnar. Mér finnst alla vega sjálfsögð sú krafa að fjölmiðlar birti blákaldan raunveruleikann. Enda viljum við geta treyst fjölmiðlum.

Það eru margir sem hugsa fyrst til glanstímaritanna þegar þeir heyra frasann "að photoshoppa". Enda eru líklega allar þær myndir sem að við sjáum í tímaritum á borð við Cosmopolitan og Vogue photoshoppaðar að einhverju leyti. Ég man eftir auglýsingu frá Dove sem sýndi hvernig breyta mætti ósköp venjulegri konu í eitthvað sem líktist súpermódeli með hjálp heppilegrar lýsingar, andlitsfarða og stafrænnar myndvinnslu. Ég man líka eftir því að hafa flett einu af íslensku glanstímaritunum og sjá forsíðumynd sem var greinilega photoshoppuð og sjá síðan nákvæmlega sömu mynd óunna inni í tímaritinu. Það var pínlegt bæði fyrir ljósmyndarann og manneskjuna sem setur upp blaðið en þó ekki síður fyrir módelin. Á forsíðunni mátti sjá mynd af hraustlegum og óaðfinnanlegum fyrirsætum en inni tímaritinu sýndu fyrirsæturnar sitt raunverulega andlit. Svona hlutir finnst mér koma óorði á stafræna myndvinnslu og jafnframt kalla fram almennan misskilning.

Áður en að stafræna myndformið náði yfirhöndinni notuðust ljósmyndarar við myrkraherbergi og framköllunarvökva til þess að framkalla myndirnar sínar. Þetta ættu allir að vita. Það eru færri sem að vita að ljósmyndarar höfðu ýmis brögð til þess að breyta myndum sínum til þess að þær yrðu þeim meira að skapi. Ímyndum okkur t.d. að ég vilji lýsa eða dekkja ákveðinn hluta myndar í photoshop. Til þess nota ég tól sem heita dodge eða burn. Þessi hugtök, þ.e.a.s. dodge og burn, voru einnig notuð í myrkaherbergjunum.

Það að auka skerpu myndarinnar, auka muninn á björtum og dökkum myndfleti (e. contrast) fínstilla liti, allt eru þetta hlutir sem hægt er að eiga við í prentunarferlinu. Með því að velja hentugan pappír, rétt blek o.s.frv.

Í gamla daga urðu ljósmyndarar að prenta út myndirnar sínar ef þeir vildu sýna þær einhverjum. Í dag, með tilkomu tölvuskjáa og internetsins, get ég tekið mynd í Princeton og sýnt fólkinu heima Íslandi á augabragði. Prentunarferlið er því að mörgu leyti orðið úrellt eða óþarft. Þ.a.l. verð ég að ákveða hvort að ég vilji sýna myndina eins og kemur beint úr myndavélinni eða hvort ég vilji fínstilla (eða í sumum tilfellum gjörbreyta henni) eftir minni hentisemi.

Þeir sem líta á ljósmyndun sem einhvers konar listform, eða alla vega leið til þess að skapa hughrif meðal áhorfandans, verða því að ákveða hvar þeir ætla að draga mörkin. Persónulega leyfi ég mér að hnika þessari línu eftir aðstæðum en þá kemur líka oft fyrir að ég horfi til baka og finnist ég hafa ofunnið ákveðnar myndir. Að sama skapi getur verið að ég ofbjóði þeim sem horfa á myndirnar en að sjálfsögðu eru smekkur fólks mjög mismunandi.

Ljósmyndarar eru því í ákveðinni klemmu þegar kemur að hinum stafræna sýningarsal. Til að bæta gráu ofan á svart þá eru tölvuskjáir af öllum stærðum og gerðum og sýna þ.a.l. liti, birtu og andstæður á mismunandi hátt.

Að lokum langar mig til þess að sýna síðustu tvær ljósmyndirnar sem ég setti á Flickr, fyrir og eftir myndvinnslu.

Fyrir

Eftir

Fyrir

Eftir

Jæja, ég er farinn að kenna eðlisfræðingunum hvernig drekka skuli Ópal og Brennivín. Þess má geta að það er líklega það eina sem ég get kennt þessum krökkum...

Prelim prófin

2008-09-18T03:40:00.002Z

verða strembin.

Annars setti ég aðra mynd af GC inn á Flickr...

Fyrsta myndin

2008-09-16T23:36:00.004Z

Sæl og blessuð öllsömul. Nú var nýja tölvan að renna í hlaðið. Að sjálfsögðu var það fyrsta, tjahh eftir að ég var búinn að "skypa" heim, sem ég gerði að setja upp Photoshop og fullvinna fyrstu myndina frá Princeton. Fleiri myndir koma vonandi fljótlega.

Þessi mynd sýnir Old Graduate College (kastalann). Ég er í íbúð í New Graduate College, byggingu sem er gott dæmi um minimalisma sjöunda áratugarins.

The heat is on!

2008-09-15T02:56:00.005Z

er viðeigandi upphrópun þessa dagana. Skólinn er byrjaður, fyrstu heimadæmin komin í hús, það voru 33°C í dag og ágætis raki í þokkabót. Klukkan er 11 og það er enn þá of heitt til að læra (engin loftkæling í herberginu mínu). Sem betur fer eru skólabyggingarnar loftkældar...

Nú er ein vika síðan ég kom til USA og ég myndi segja að aðlögunarferlið væri langt á veg komið. Það eru nokkrir hlutir sem mun líklega taka lengri tíma að aðlagast. T.d. er matarræði Ameríkana svo sykur "orienterað" að meira að segja mér finnst of mikið af hinu góða. Ætli það venjist samt ekki :)

Á líka mjög erfitt með að venjast því hvernig þeir heilsa hvor öðrum. Í flestum tilfellum þegar ég heilsa ameríkana þá segi ég "Hi," og hann svarar "Hi, how's it going?" Þetta segir hann jafnvel þó að við séum að labba fram hjá hvor öðrum í stigagangi. Mér finnst eins og ég verði að svara en þegar ég er búinn að finna svar við spurningunni þá er kaninn á bak og burt. Fáránlegt...

Hef ekki tekið mikið af myndum. Bæti úr því mjög fljótlega. Þangað til læt ég þessar myndir sem ég fann á Flickr duga. Þær sýna Procter Hall, matsalinn okkar. Sumir ganga svo langt að kalla hann Hogwarts matsalinn, það eru alla vega fjórar raðir af borðum...

Ahhh,

2008-09-11T04:06:00.007Z

fátt betra en ískaldur vatnssopi, sérstaklega eftir dag sem þennan :)

Nú er dagur 3 senn á enda en mér líður satt að segja eins og ég hafi rétt svo stigið út úr flugvélinni. Síðustu dagar hafa verið vægast sagt annasamir. Búinn að þurfa að ganga frá alls konar umsóknareyðublöðum, skattaeyðublöðu, SSN-eyðublöðum (kennitölu), launaeyðublöðum, enskukunnáttueyðublöðum og ég veit ekki hvað og hvað. Mér leið á tíma eins og Ástríki nú eða Steinríki er þeir þeyttust á milli hæða í leit að stimpli á bláa eyðublaðið. Þessu ferli er nú blessunarlega að mestu leyti lokið og ég get farið að einbeita mér að náminu.

Krakkarnir í eðlisfræði eru skemmtilegir. Það gladdi mig mjög að sjá að mikill áhugi er fyrir fótbolta innan deildarinnar. Á mánudaginn hittust fyrstaársnemarnir í eðlisfræði og spiluðu fótbolta fyrir utan GC í blíðskaparveðri. Það kom mér á óvart hvað það voru margir sem kunnu sitthvað fyrir sér þessari íþrótt . Við erum að hugsa um að stofna lið svo að við getum tekið þátt í millideildarfótboltamótinu (e. intermural soccer tournament). Vona að það gangi upp :)

Hann Geir Þórarinsson, hinn íslenski nemandinn við Princeton, hefur veitt mér aðstoð við að koma mér fyrir síðustu daga. Hann er búinn að vera virkilega vingjarnlegur og það er gott að vita að maður hefur slíkan hauk í horni. Við fórum í verslunarleiðangur á mánudaginn og í kvöld og hefur okkur tekist að ná í flestar nauðsynjar. Nú er ég t.d. kominn með sæng, kodda, rúmföt, herðatré, regnhlíf, gatara, alls konar hreinlætisvörur, vatn, viftu, ískáp, reiðhjól og sitthvað fleira. Ótrúlegt en satt þá rýmir herbergið alla þessa hluti :)

Ég hlakka jafnframt til þess að hitta Völlu, kærustuna hans Geirs, en hún er búin að vera í Frakklandi. Svenni og Villi ætla að kíkja í heimsókn einhvern tímann milli 15. og 22. október og síðan kemur Dórótea í heimsókn í fyrri hluta nóvembers. Ég ætla mér jafnframt að koma heim um jólin en mér þykir líklegt að ég stoppi stutt. Jafnvel að ég verði kominn út aftur fyrir áramót. Sjáum samt til...

Ég er kominn með svona ódýran "go-phone" gsm síma auk þess sem ég er að reyna að koma upp borðsíma hérna í herberginu. Símanúmerin eru, GSM: 609-216-5594, borðsíminn: 609-986-8233. Endilega sláið á þráðinn.

Annars læt ég þetta duga í bili. Myndir koma fljótlega. Sakna Íslands, sakna vina og vandamanna.

Bless í bili

2008-09-07T11:25:00.006Z

Kveðjudæmið var frábært fyrir utan kveðjustundirnar, þær voru erfiðar. Það er gott að eiga ykkur að. Hlakka til að sjá ykkur :)

Myndir frá útskriftinni

2008-09-04T23:24:00.004Z

Setti myndir frá útskriftinni inn á Picasa. Systir mín tók flestar þessara mynda og það er greinilegt af þeim (og reyndar fleiri myndum) að henni er margt til lista lagt.

Annars hef ég svolítið verið að googla hinu og þessu varðandi Princeton. Rakst á Picasasíðuna hans Arnab's þar sá ég myndir innan úr herberginu hans í New Graduate College, þær eru hér. Eins og sjá má eru vistarverurnar ansi smáar, ég las að herbergið sé ca. 10 fermetrar og virðast þessar myndir staðfesta það. Samt ætti þetta ekki að vera svo slæmt þegar maður er búinn að koma sér almennilega fyrir...

Hænsni

2008-09-02T21:54:00.003Z

Tók mynd af hana um helgina. Sú mynd minnti mig á mynd sem ég tók af páfugli í Harlem nú í vor. Ákvað að skella þeim á netið...

Skemmtilegur hestur

2008-09-01T12:21:00.000Z

64 myndir

2008-08-27T07:48:00.001Z

frá Grænlandi má finna hér

2008-08-24T14:31:00.001Z

J^2-5M=X

Grænland #2

2008-08-23T20:03:00.002Z

Ég er enn þá að vinna úr myndunum sem voru teknar á Grænlandi. Hérna er ein þeirra:

Grænland #1

2008-08-20T21:45:00.004Z

Er að velta fyrir mér hvort að ég eigi að láta alla ferðasöguna flakka eða hvort að ég eigi bara að láta myndirnar tala. Nenni ekki að ákveða það í kvöld. Allavega, ferðin var virkilega vel heppnuð. Hundruðir myndarlega fiska fóru á land og svo aftur ofan í ána eða vatnið. Nokkrir voru reyndar étnir, sumir ferskari en aðrir. Náttúran var stórbrotin. Satt að segja mesta ævintýri sem ég hef nokkurn tímann upplifað. Ferð sem verður seint toppuð.

Ein mynd til að byrja með:

Endurræsing

2008-08-12T11:43:00.006Z

Jújú, bloggsíðan hefur legið niðri í dágóðan tíma. En nú verður bætt úr því. Haustið er að koma og þá fer maður víst í skóla en þar eru bloggfærslurnar kærkomin tilbreyting frá skólabókunum.

Í dag er ferðinni heitið til Grænlands með Einsa og afa. Við ætlum okkur að veiða bleikju í vatninu Tasersuaq og ánni sem rennur í það. Hollið sem fór þar um daginn veiddi 300 fiska, stærstan 15 pund. En auðvitað skiptir veiðin svo sem litlu máli þegar félagskapurinn er góður og náttúran stórbrotin. Ég verð með myndavélina með mér og mun vonandi taka mikið af myndum.

Síðan er Princeton á næsta leiti en þar eru vonandi þó nokkur myndefni.

Myndir frá velheppnaðir veiðiferð í Hítarvatn:

Stofnfundur Söllenbergers

2008-07-07T22:34:00.002Z

Hér eru komnar myndir frá stofnfundi Söllenbergers. Kærar þakkir fara til Brynjars fyrir að hýsa okkur og Ásgeirs fyrir að elda svona góða hamborgara. Sérlegt skemmtunardjamm.

Fyrir þá sem hafa gaman af ævintýrum Andhverfunnar þá mæli ég eindregið með myndasíðunni hans Frikka. Hann er virkilega flinkur með myndavélina.

Myndir frá Hallgeirsey

2008-07-04T22:03:00.001Z

hér

Í þar til gerðum hlýrabol

2008-06-21T21:42:00.004Z

að vinna í bóndabrúnkunni

Hvað gerðirðu

2008-06-16T13:36:00.003Z

við peningana sem frúin í Hamborg gaf þér? Bannað að segja já, nei, hvítt, svart og bensín.

Wal*Art

2008-06-11T00:39:00.002Z

Ef þú ert

2008-06-07T15:38:00.003Z

læstur úti er tilvalið að skrúfa eldhúsgluggann af hjörunum.

Norðurljós

2008-06-04T22:30:00.002Z

Jæja, ritgerðin um norðurljósin er komin á netið. Án vafa það skemmtilegasta sem ég gerði í HÍ. Endilega kíkið á hana ef þið hafið áhuga.

Við það að springa

2008-05-28T08:37:00.000Z

Sumarið er komið

2008-05-25T23:20:00.003Z

Ekki alvöru bissneskall

2008-05-21T09:32:00.005Z

Var að láta prenta út nokkrar ljósmyndir rétt í þessu. Þetta voru sex myndir sem ég vildi láta prenta út í A4 stærð. "600 kall á mynd" sagði hann en ég svaraði "heyrðu ég var að pæla í tveimur eintökum af hverri." "Nú þá er það 400 kall á mynd," svaraði kallinn. Síðan héldum við áfram að tala saman um myndgæði og þess háttar. Síðan, rétt áður en að ég fór sagði ég kallinum að ég væri að pæla í að fá bara þrjú eintök af hverri. "Þá skal ég láta þig fá þær á 300 kall stykkið," sagði kallinn. Það fannst mér mjög gott boð.

Auðvitað hefði alvöru bissnesskall beðið um fjögur eintök af hverri, tjahh eða bara þúsund.

Sumarið

2008-05-19T18:32:00.001Z

er alveg að koma. Bara ein ritgerð og síðan hefst fjörið...

Töluleg greining

2008-05-02T22:38:00.010Z

Á þessari síðu hefur það tíðkast að láta töluna 3.14 nálga gríska bókstafinn pí = 3.14159265358979... Nálgun verður að sjálfsögðu ekkert annað það sem hún er, þ.e. nálgun en það er auðvelt að sjá að þessi nálgun er með minni en 0,1% hlutfallsskekkju. Þeir sem eru að lesa tölulega greiningu þessa dagana gætu því spurt: "Segjum svo að við nálgum pí með 3.14 og g.r.f. að sú hlutfallsskekkja sé 0.1% (hún er í raun aðeins minni), hver er þá hlutfallsskekkjan í sin(3.14) og cos(6.28)?"

Við skulum byrja á að reikna ástandstölur þessara falla. Athugum að

st(cos(2x)) = |xcos'(2x)|/|cos(2x)| = |-2xsin(x)|/|cos(x)| <= 0.4
st(sin(x)) = |xsin'(x)|/|sin(x)| = |xcos(x)|/|sin(x)| --> 8'

fyrir x í grennd um pí. Þetta segir okkur að ástand cos(x) í grennd um pí er gott en það sama á ekki við um sin(x) þar sem ástandstalan vex upp úr öllu valdi í grennd um pí. Þar er ástandið slæmt! Við getum því ekki metið hlutfallsskekkju í sin(x) í grennd um pí. Hins vegar er einfalt mál að reikna hlutfallsskekkju fyrir cos(2x). Hún fæst samkvæmt jöfnunni

|cos(2x)-cos(2pí)|/|cos(2pí)| = st(cos(2x))*|2pí-2x|/|2pí| <= 0.4 * 0.001 = 0.0004 = 4E-4.

Þetta þýðir að cos(6.28) sem nálgun á cos(2pí) er rétt með alla vega þremur markverðum stöfum!

Töluleg greining, hugsanlega gagnlegasti kúrs í heimi...

Talandi um sumarstarfsmenn

2008-05-02T12:33:00.000Z

Þetta má sjá á mbl.is

Nú er mér nóg boðið

2008-05-01T16:48:00.002Z

Hvaða hálfviti er með svona lélegan húmor?

Vona

2008-04-30T23:47:00.005Z

að knattspyrnuliðið þitt verði ekki vafasömum auðkýfingi að bráð.
að stórstjörnunar blómstri þegar þær bætast í hópinn.
að þjálfarinn sé ekki hrokafullur og tapsár hálfviti.
að nýi framherjinn geti staðið í lappirnar.
að liðið þitt vinni verðskuldaða sigra
og viðurkenni ósigur.

Til hvers fer maður í Princeton?

2008-04-29T11:49:00.001Z

Til þess að geta svarað erfiðustu spurningunum.

Meira um norðurljós

2008-04-24T17:35:00.006Z

Elstu fornu norrænu heimilidirnar um norðurljós má finna í Konungsskuggjá sem kom út í kringum 1250 og var rituð fyrir Magnús lagabæti son Hákonar Hákonarsonar fyrsta konungs Íslands. Ritið er í frásagnarstíl þar sem faðir uppfræðir son sinn.

Þar er sagt frá mönnum sem höfðu séð norðurljós við strendur Grænlands.

Það sem mér finnst ótrúlegt er að ekki séu til eldri vísanir í norðurljós og jafnframt að það séu Norðmenn en ekki Íslendingar sem skuli vera fyrstir okkar norrænu manna að rita um þetta fyrirbæri. Ég hef satt að segja orðið fyrir miklum vonbrigðum með okkar fróðu sagnaritara.

Eitt gæti þó útskýrt þennan skort á íslenskum heimildum. Staðreyndin er nefnilega sú að segulskautin eru á stanslausri hreyfingu og norðurljósaslæðan sem hylur Ísland hvað eftir annað nú á dögum kann að hafa legið fyrir utan landið hér áður fyrr.

Jæja, vindum okkur í seinni hlutann

2008-04-16T10:43:00.010Z

Hvar vorum við...

Jú, nú man ég. Á leiðinni til Princeton. Við sem sagt tókum strætó inn á Manhattan og þaðan rútu frá Port Authority til Princeton. Í fyrstu héldum við að við hefðum tekið ranga rútu þar sem við vorum að stoppa í alls konar "dubious" hverfum. Í einu þeirra get ég svarið að ég hafi sé mexíkanska útgáfu Tony Sopranos standa og reykja meðan undirlægjur hans fægðu krómfelgurnar. En já, síðan vorum við komin í gegnum öll þessu vafasömu hverfi og komin á Nassau Street. Einhverja lengstu götu sem ég hef nokkurn tíman keyrt á. Hægt og bítandi breyttist stemmningin úr lower middleclass í upper class. Þarna vorum við sko komin í alvöru bandarískt úthverfi. Stór einbýlishús með hvítum girðingum og garðyrkjumönnum með tilheyrandi aukakvöðum. Fyrr en varði sáum við skilti sem á stóð "Welcome to Princeton". Boðskapur: Garðyrkjumenn hafa það gott.

Snobb, já það var eitt af því fyrsta sem manni datt í hug þegar maður skoðaði sig um í bænum. Hótelið okkar, staðsett í hjarta Princeton, var ansi flott og þ.a.l. hótelherbergið líka. Sum húsanna eru ansi glæsileg, svona í kastalastíl. Þeir sem muna eftir a Beautiful Mind vita hvað ég á við. Síðan eru listaverk á hverjum túnbletti. Kirkjan þeirra er ótrúlega falleg og ég hlakka til að ljósmynda hana í bak og fyrir. Síðan gátu þeir ekki verið minni menn en MIT og er því verið að ljúka við eitt stykki byggingu eftir Frank Gehry. Einhver sagði mér líka að þeir hefðu nýlega byggt sumar af þeim byggingum sem litu út eins og þær væru 200 ára gamlar. Það finnst mér nú bara vera svindl. Við sem sagt vissum ekki alveg hvað okkur ætti að finnast um allan þennan íburð. Hins vegar var ansi róleg stemmning í bænum og maður fékk á tilfinninguna að maður væri virkilega öruggur. Það sama gilti reyndar um Íþöku. Boðskapur: Snobb er gott í hófi.

Sid, fjórir prospectives og velgirtur ég.

Íburðurinn hélt áfram. Eftir skoðunarferðina var okkur komið fyrir á virkilega flottum veitingastað sem framleiddi sinn eigin bjór. Í forrétt fengum við meðal annars krabba, smokkfisk og önd. Í aðalrétt gat maður síðan valið það sem maður vildi. Dórótea fékk sér meiri önd og ég eitt stykki ameríska steik. Ameríkanarnir slengdu þessu í sig ásamt könnu af bjór eins og ekkert væri sjálfsagðra. Það var sérstaklega einn kani (kominn langt inn í doktorsnámið) sem var duglegur að láta okkur Dóróteu líða eins og íslenskum sveitalubbum með hor í nös. Sérstaklega óþægilegt þegar hann spurði, "So Jon, what have you done?" eða eitthvað álíka. Mér leið eins og allt borðið þagnaði meðan ég hugsaði um sniðuga leið til að segja ekki rassgat. Það var samt ósköp gaman að spjalla við hann um skólann. Á borðinu sátu brasilíumaður, kínverji, rússi, indverji, kani og einhverjir fleiri. Boðskapur: Mæli með steikinni.

Dóra fyrir framan aðalbyggingu Princeton háskóla

Daginn eftir fóru kennararnir að kynna sig. Þá fyrst sá maður hvað Princeton er magnaður skóli. Þarna voru manneskjur sem voru ekki bara algjörir snillingar, þær höfðu líka brennandi áhuga á því sem þau voru að gera. Áhuginn, ákafinn og metnaðurinn til að standa sig vel bergmálaði í hverju orði sem þau létu út úr sér. Eftir hinar almennu kynningar fór maður og hitti nokkra prófessora. Þar talaði ég t.d. við indæla konu sem heitir Suzanna Staggs, eðlisfræðing lífs sem er að pæla í eðlisfræði sjónarinnar, tilraunaeðlisfræðing sem virðist geta fattað upp á nýjum og flottum tækjum og verið kominn með starfhæft eintak mánuði síðar (N.B. skrifstofan hans var eins pappírsverksmiðja eftir hvirfilbyl), og að lokum talaði ég við tvo ítalska tilraunaeðlisfræðinga sem eru að leita að hulduefni. Annar þeirra bauð mér til Ítalíu í sumar og hinn bauð okkur Dóróteu út að borða á veitingahúsi sem var eitt sinn heimili Woodrow Wilsons (forseta Princeton háskóla og seinna forseta Bandaríkjanna). Boðskapur: Hafið áhuga á því sem þið eruð að gera eða sleppið því. Ef þú vilt gera eitthvað þá gerirðu það vel.

Um kvöldið hittum við Geir og Völlu. Einu Íslendingana sem við vitum til þess að búi í Princeton. Þau voru ósköp indæl og vonandi hittir maður þau aftur í haust. Var líka gott að fá þeirra álit á bænum.

Geiri og Valla

Jæja, látum þetta nægja frá Princeton.

Eftir Princeton fórum við til Manhattan og komum okkur fyrir á Paramount hotel. Þar var ansi flippuð rokkarastemmning. Rósir á baðherberginu og rúm í 30 cm hæð. Það var þó aðallega staðsetningin sem skipti okkur máli. Í einnar mínútu göngufjarlægð frá Times Square. Við vorum eitthvað að gæla við að gerast menningarleg og kannski kíkja á eins og eina leiksýningu eða kíkja á Ground Zero. Það gerðist ekki og við enduðum á því að eyða öllum okkar tíma í það að labba um Manhattan, borða og versla. Dórótea keypti nýja Ipod nano, ég fékk mér nýja linsu og síðan gerðum við magninnkaup í H&M. Við kíktum líka inn í dótabúðina Toys R Us sem fölnaði í samanburði við hina mögnuðu FAO sem er við suðvesturhorn Central Park. Manhattan er mögnuð borg með of mikið af öllu. Gæti ég aldrei hugsað mér að búa þar í langan tíma, eins og t.d. þau fimm til sex ár sem graduate nám tekur. Boðskapur: Bring cash, bring lots of cash.

Dóra með Empire State í bakgrunni

Fleiri myndir:

Það eru ca. 15 bolir/toppar/peysur í þessum poka (Fyrir Dóróteu)

Grótta í kvöld

2008-04-14T23:02:00.002Z

Ferðasögur, fyrri hluti

2008-04-13T18:42:00.013Z

Jæja, ætli það sé ekki vissara að taka saman það helsta áður en að maður gleymir því.

Fyrsta kvöldið urðum við að bíða nokkra tíma á Manhattan eftir því að rútan leggði af stað til Íþöku. Við ákváðum því að labba með ferðatöskurnar okkur um Manhattan svona aðeins til að fá stórborgarfílinginn. Þegar við vorum kominn á Times Square brotnaði af draslið sem maður notar til að draga ferðatöskuna. Þurftum við því að drattast með töskuna alla leið til baka á Port Authority. Boðskapur: Kaupa almennilegar töskur ef ferðin verður erfið.

Í rútunni að japla á sveittum Subway. Þarna komnir ca. 27 tímar.

Við rétt misstum af rútunni sem laggði af stað til Íþöku klukkan hálf 9. Urðum því að taka rútu sem laggði af stað kl. 11 frá Port Authority og átti að vera komin til Íþöku kl. 4 um nóttina. Rútan tafðist hins vegar vegna slyddu eða rigningar slash snjókomu eins og einhver orðaði það. Eitthvað tókst okkur að dotta í rútunni en þó ekki meira en einn til tvo tíma. Boðskapur: Ekki fara á Subway ef þú ert að missa af rútunni.

JEG eftir ömurlega vínsmökkun.

Við tókum vínsmökkun á svæðinu umhverfis Fingravötnin í NY með vini okkar honum Atilla frá Ungverjalandi. Kíktum á 5 eða 6 vínekrur og einn stað sem framleiddi bjór. Sjálfur gerðist maður "slightly popped" en þó nógu skýr í kollinum til að hafa áhyggjur að ökumanni bíls okkar sem tók ansi hressilega á vínsmökkuninni. Þarna sá maður líka pissfullan bandarískan almúgann af öllum aldri. Sum vín voru ansi góð, einn geðveikur bjór. Þess má geta að Cornell býður upp á kúrs í vínsmökkun sem er opinn öllum, þeir sem ná þeim kúrs (hann er talinn erfiður) geta haldið áfram í bjórsmökkun. Boðskapur: Eftir einn ei aki neinn.

Svakalega flottur foss í nágrenni Íþöku.

Þegar vínsmökkuninni var lokið fórum við að kíkja á hina fjölmörgu fossa sem umlykja Íþökusvæðið. Sjálfur nagaði ég mig í handarbakið yfir því að hafa ekki tekið myndavélina mína með. Þarna verður maður einhvern tímann að fara í ljósmyndaferð. Út um allt eru falleg en jafnfram drungaleg gljúfur og segir sagan að þau séu vöktuð yfir prófatímann. Boðskapur: Ekki fremja sjálfsmorð.

Um kvöldið fórum við út að borða og þaðan á lífið ásamt nokkrum Íslendingum í Cornell. Þarna voru Eyvindur, Ýmir, Matti, Bjarni og Beta, Baldur kom síðan seinna um kvöldið. Okkur Matta fannst eins og við þekktum hvorn annan en gátum samt ekki komið munað hvaðan það var. Djammið var skemmtilegt. Þarna prófaði maður ýmsa nýja bandaríska bjóra og skoðaði sig um í miðbæ Íþöku. Í lokin var gengið um bröttustu brekku sunnan Bröttubrekku. Boðskapur: Teygja á kálfunum.

Á leiðinni frá Íþöku til Princeton ætluðum við að vera sniðug og hoppa út einhvers staðar rétt fyrir utan Manhattan og taka þaðan lest til Princeton. Við fórum sem sagt út í einhverju krummaskuði í þeirri trú að þaðan færi lest til Princeton. Svo var ekki. Sem betur fer gátum við tekið strætó inn á Manhattan og að Port Authority. Þaðan tókum við rútu til Princeton. Boðskapur: Skipuleggja svona áður en að maður fer til útlanda.

Fleiri myndir:

Bandarísku vinir okkar og Eyvindur

Atli Húnakonungur

Vínsmökkunargengið

Foss í hjarta Íþöku